.పి.హెచ్.సి.ని తనిఖీ చేసిన జిల్లా వైద్య ఆరోగ్య శాఖాధికారి డాక్టర్ పి. జగదీశ్వరరావు

అంబేడ్కర్ నగర్ యు.పి.హెచ్.సి.ని తనిఖీ చేసిన జిల్లా వైద్య ఆరోగ్య శాఖాధికారి డాక్టర్ పి. జగదీశ్వరరావు

విశాఖపట్నం (సెప్టెంబర్ 2): విశాఖపట్నం అంబేడ్కర్ నగర్‌లోని పట్టణ ప్రాథమిక ఆరోగ్య కేంద్రాన్ని (UPHC) జిల్లా వైద్య మరియు ఆరోగ్య శాఖాధికారి (DM&HO) డాక్టర్ పి. జగదీశ్వరరావు బుధవారం ఆకస్మికంగా సందర్శించారు.

ఈ సందర్భంగా ఆరోగ్య కేంద్రంలో వైద్య సేవలు, ఉద్యోగుల పనితీరు, పబ్లిక్ పెర్సెప్షన్ మరియు కేపీఐ (KPI) ఇండికేటర్లపై సిబ్బందితో ఆయన ప్రత్యేక సమీక్ష నిర్వహించారు. అనంతరం ఆసుపత్రిలోని పలు విభాగాలు, రికార్డులను పరిశీలించి అధికారులకు పలు సూచనలు చేశారు.

డిఎమ్‌హెచ్‌ఓ సమీక్షించిన ముఖ్యాంశాలు:

డిజిటల్ & ఐవిఆర్ఎస్ సేవలు: ఐ.వి.ఆర్.ఎస్ (IVRS) ద్వారా రోగులకు అందుతున్న సేవల నాణ్యతను తెలుసుకోవడంతో పాటు ఈ-హెచ్.ఆర్ (EHR), అభా (ABHA) ఐడీల నమోదు పురోగతిపై ఆరా తీశారు.

వైద్య సేవలు & మందుల లభ్యత: ఓపి (OP), ఐపి (IP) నమోదు ప్రక్రియ, ల్యాబ్ పరీక్షల నిర్వహణ, ఆసుపత్రిలో తగినన్ని మందుల లభ్యత ఉండేలా చర్యలు తీసుకోవాలని ఆదేశించారు.

ఆర్.బి.ఎస్.కె & హాజరు: రాష్ట్రీయ బాల్ స్వస్థ్య కార్యక్రమం (RBSK) సేవల తీరును పరిశీలించారు. సిబ్బంది తప్పనిసరిగా ఫేషియల్ రికగ్నిషన్ సిస్టమ్ (FRS) ద్వారా హాజరు నమోదు చేయాలని స్పష్టం చేశారు.

పరిశుభ్రత: ప్రాథమిక ఆరోగ్య కేంద్ర పరిసరాలను ఎప్పటికప్పుడు అత్యంత పరిశుభ్రంగా ఉంచుకోవాలని ఆసుపత్రి సిబ్బందిని ఆదేశించారు.

ఈ కార్యక్రమంలో అంబేడ్కర్ నగర్ ఆరోగ్య కేంద్ర వైద్యాధికారులు, అసిస్టెంట్ మలేరియా అధికారి బి. నాగభూషణం మరియు సచివాలయం, ఆరోగ్య కేంద్ర సిబ్బంది పాల్గొన్నారు.

జారీ చేసినవారు:

జిల్లా వైద్య మరియు ఆరోగ్య శాఖాధికారి,

విశాఖపట్నం.