విశాఖపట్నం, జూలై 1: ప్రయాణికుల సౌకర్యార్థం దక్షిణ తీర రైల్వే (South Coast Railway) విశాఖపట్నం – షాలిమార్ – విశాఖపట్నం మధ్య నడుస్తున్న ప్రత్యేక ఎక్స్ప్రెస్ రైలు సేవలను పొడిగించినట్లు దక్షిణ తీర రైల్వే ముఖ్య ప్రజాసంబంధాల అధికారి వై. బాలాజీ కిరణ్ తెలిపారు.
రైలు వివరాలు ఇలా ఉన్నాయి:
రైలు నం. 08508 (విశాఖపట్నం – షాలిమార్) ప్రత్యేక ఎక్స్ప్రెస్: ప్రతి మంగళవారం ఉదయం 11.20 గంటలకు విశాఖపట్నం నుంచి బయలుదేరి, మరుసటి రోజు (బుధవారం) తెల్లవారుజామున 3.00 గంటలకు షాలిమార్కు చేరుకుంటుంది.
రైలు నం. 08507 (షాలిమార్ – విశాఖపట్నం) ప్రత్యేక ఎక్స్ప్రెస్: ప్రతి బుధవారం ఉదయం 5.00 గంటలకు షాలిమార్ నుంచి బయలుదేరి, అదే రోజు రాత్రి 8.50 గంటలకు విశాఖపట్నానికి చేరుకుంటుంది. మధ్యలో ఆగే ప్రధాన స్టేషన్లు: సింహాచలం, విజయనగరం జంక్షన్, చీపురుపల్లి, శ్రీకాకుళం రోడ్, పలాస, బ్రహ్మపూర్, బాలుగావ్, ఖుర్దా రోడ్ జంక్షన్, భువనేశ్వర్, కటక్, జాజ్పూర్–కేయోంజర్ రోడ్, భద్రక్, బాలాసోర్, ఖరగ్పూర్ జంక్షన్, సంత్రాగాచి జంక్షన్ స్టేషన్లలో ఈ రైలు ఆగుతుంది.
కోచ్ల కూర్పు:
ఏసీ రెండో తరగతి (2A) – 2 కోచ్లు
ఏసీ మూడో తరగతి (3A) – 4 కోచ్లు
స్లీపర్ క్లాస్ – 7 కోచ్లు
జనరల్ సెకండ్ క్లాస్ – 4 కోచ్లు
దివ్యాంగుల కోసం సెకండ్ క్లాస్ కమ్ లగేజ్ కోచ్ – 1
బ్రేక్ వ్యాన్ – 1
ఈ ప్రత్యేక రైలు సేవల పొడిగింపుతో ఆంధ్రప్రదేశ్, ఒడిశా, పశ్చిమ బెంగాల్ రాష్ట్రాల మధ్య ప్రయాణించే ప్రయాణికులకు మరింత సౌకర్యం కలగనుంది.
