గ్రామీణ వైద్యుల జాతీయ పార్టీ ఆంధ్రప్రదేశ్ రాష్ట్ర వ్యాప్త కమిటీల ఏర్పాటుకు సన్నాహాలు: డాక్టర్ కొండిశెట్టి సురేష్ బాబు పిలుపు
అమరావతి: గ్రామీణ వైద్యుల సంక్షేమం, హక్కుల సాధనే ధ్యేయంగా ఏర్పడిన 'గ్రామీణ వైద్యుల జాతీయ పార్టీ' ఆంధ్రప్రదేశ్ రాష్ట్రవ్యాప్తంగా నూతన కమిటీల నియామక ప్రక్రియను వేగవంతం చేస్తోందని పార్టీ వ్యవస్థాపక అధ్యక్షులు, గౌరవ డాక్టరేట్ మరియు బెస్ట్ జర్నలిస్ట్ అవార్డు గ్రహీత డాక్టర్ కొండిశెట్టి సురేష్ బాబు ఒక ప్రకటనలో తెలిపారు.
రాష్ట్రంలోని అన్ని స్థాయిల్లో పార్టీ నిర్మాణం పటిష్టంగా చేపట్టేందుకు కార్యాచరణ సిద్ధం చేసినట్లు ఆయన వెల్లడించారు.
కమిటీల వివరాలు:
శాసనసభ & లోక్‌సభ స్థానాలు: 175 అసెంబ్లీ నియోజకవర్గాలు, 25 పార్లమెంటు స్థానాలు
స్థానిక సంస్థలు & పరిపాలనా విభాగాలు: 688 మండలాలు, 13,371 పంచాయతీలు, 27,800 గ్రామాలు
పట్టణ & నగర విభాగాలు: మున్సిపాలిటీలు, కార్పొరేషన్లు (మహా నగరాలు)
ప్రజాప్రతినిధుల సమన్వయ విభాగాలు: జడ్పీటీసీ, ఎంపీటీసీ స్థానాల వారీగా ప్రత్యేక కమిటీలు
గ్రామీణ ప్రాంతాల్లో ప్రజారోగ్య రక్షణలో కీలకపాత్ర పోషిస్తున్న గ్రామీణ వైద్యులకు రాజకీయ, సామాజిక గుర్తింపు తీసుకురావడమే ఈ కమిటీల ప్రధాన ఉద్దేశమని సురేష్ బాబు పేర్కొన్నారు. పార్టీ సిద్ధాంతాలకు కట్టుబడి, ప్రజాసేవలో ముందుండే గ్రామీణ వైద్యులు, సామాజిక కార్యకర్తలు, యువత ఈ కమిటీలలో బాధ్యతలు స్వీకరించడానికి ముందుకు రావాలని ఆయన ఆహ్వానించారు.
ఆసక్తి గల నాయకులు, కార్యకర్తలు కమిటీలలో పనిచేసేందుకు వెంటనే సంప్రదించవలసిన ఫోన్ నంబర్: 9885395466.
